19-ноябрда Бишкектин Арча-Бешик конушундагы үйлөрдүн биринин короосунда ымыркай табылган. Милиция кызматкерлери SUPERTV’га окуянын чоо-жайын айтып берген.
Бул ноябрь айында Бишкектин көчөлөрүндө табылган экинчи ымыркай.
«22:53 чамасында чакыруу түшүп, ымыркайдын ташталганы айтылды. Бала короонун ичинде экен. Жамгыр катуу жаап жаткан үчүн анын денеси ылай болчу. Баланы баштыкка салып, байлаптыр. Кутуга салыптыр, анысы да суу экен. Үйдүн ээси алып чыгып берди. Тез жардамды чакырдык дешти. Бирок аны күткөнгө убакыт жок болчу. Үй ээсинен шейшеп сурап, ага ороп, төрөтканага алып бардык. Ыйлабасын деп оозуна даарат кагазын тыгып коюшуптур. Киндигин бычак менен кеспей, колу менен жулуп салыптыр», — деди ал.
