Апенов Таалайбек Бекболотович Президенттин администрациясынын Ырайым кылуу боюнча комиссиясынын жооптуу катчысы кызматынан бошотулду. Бул тууралуу маалыматты бүгүн, 26-октябрда президенттин аппаратынын басма сөз кызматы билдирди.
Маалыматка ылайык, тиешелүү жарлыкка Президент Садыр Жапаров кол койгон.
Белгилей кетсек, Апенов аталган кызматка ушул жылы май айында дайындалган болчу. Ал 18-октябрда 170 миң сом акча алып жаткан жеринен кармалып, УКМКнын абагына киргизилген.
УКМКнын басма сөз кызматы билдиргендей, эркинен ажыратылган жарандарга ырайым берүүдө жана аларды мөөнөтүнөн мурда бошотууда коррупциялык схема түзүлгөн. А.Т.Б. кызмат абалынан кыянаттык менен пайдаланып, С.Н. аттуу жаранды ырайым бериле турчу адамдардын тизмесине кошуу үчүн андан 170 миң сом акча опузалаган.
