Жалпы республикалык тестирлөөдө 57 окуучу эң жогорку баллга ээ болду. Маалыматты Билим берүү жана илим министрлиги таратты.
Кабарлангандай, быйыл эң жогорку балл 235 болуп, ага Бишкек шаарындагы №70 гимназия мектебинин бүтүрүүчүсү ээ болгон.
Жалпы республикалык тестирлөөнүн жыйынтыгы боюнча 235тен 221ге чейин упай топтогондор:
Бишкек шаарынан — 35 окуучу;Ош облусу — 7;Ысык-Көл облусу — 5;Чүй облусу — 4;Баткен облусу — 3;Нарын облусу — 2;Жалал-Абад облусу — 1.
24-25-июнда өткөн ЖРТнын III этабынын жыйынтыгы менен бул тизме толукталышы мүмкүн.
