Кыргызстанда жумуш издегендерге актуалдуу бош орундарды табууга, ал эми иш берүүчүлөргө бош жумуш орундарынын жайгаштырууга мүмкүндү берген Jumush.gov жана Find-ish санарип платформалары түзүлдү. Бул тууралуу министрлер кабинетинин төрагасы Адылбек Касымалиев аппараттык кеңешмеде билдирди.
Жыйында эмгек менен камсыз кылуу маселелери талкууланып, министрлер кабинетинин төрагасы жарандар үчүн жумуш издөөдө кошумча мүмкүнчүлүктөрдү түзүүнүн маанилүүлүгүн белгиледи.
Ошондой эле, 21-сентябрда өткөн аппараттык кеңешмеде өлкөнүн социалдык-экономикалык өнүгүүсүнүн бир катар актуалдуу маселелери каралды.
