Жылдыз Бакашова Кыргыз Республикасынын Министрлер Кабинетинин төрагасынын орун басары болуп дайындалды.
Кыргыз Республикасынын Президенти Садыр Жапаров кол койгон Жарлыкка ылайык, 2021-жылдын 11-апрелинде референдумда кабыл алынган “Кыргыз Республикасынын Конституциясы жөнүндө” Кыргыз Республикасынын мыйзамынын 4-беренесинин негизинде Бакашова Жылдыз Кемеловна Кыргыз Республикасынын Министрлер Кабинетинин төрагасынын орун басары болуп дайындалды.
Бакашова Жылдыз Кемеловна 1960-жылдын 26-апрелинде төрөлгөн.
Мурда КТРКнын убактылуу директору болгон.
Улуттук библиотеканын директору, Кыргыз Республикасынын коомдук китепканалар ассоциациясынын президенти, Евразиялык китепканалар ассамблеясынын вице-президенти кызматын аркалаган.
