Өлкөдөгү эпидемиологиялык кырдаалга бйланыштуу Бишкектин көпчүлүк мектептери каникулдан кийин үчүнчү чекректегидей режимде окуй беришет. Бул тууралуу онлайн-брифингде Бишкек шаардык мэриясынын билим берүү бөлүмүнүн башчысы Элмира Иманалиева билдирди.
«1-апрелден баштап төртүнчү чейрек башталат. Сабактар үчүнчү чейректегидей режимде улантылат. Тагыраагы, жети класс (1, 2, 3, 4, 5, 9 жана 11-класстар) мектепке келип окушат. Калган төрт класс мурдагыдай эле онлайн-режимде окуусун улантышат. Алдыдагы 2-3 аптад эпидемиологиялык абал жакшырса бардык окуучуларды реалдуу режимде окутууну карап көрөбүз», — деди ал.
Ошондой эле Иманалиева 9-марттан баштап мектепке чейинки билим берүү мекемелерин ачышканын кошумчалды.