Кыргызстанда 14 миңдей адам 1 миң 780 сом өлчөмүндө пенсия алат. Бул тууралуу жыйында Социалдык фонддун төрагасы Жаныбек Орозалиев билдирди.
“Бул категориядагы адамдар мыйзам талап кылган керектүү стаж топтогон эмес. Ошондой эле алар эч кандай жумушта иштебей, камсыздандыруу төгүмдөрү жок болгон”, — дейт Орозалиев.
Ошондой эле, пенсия боюнча кандайдыр бир суроо жаралса Соцфонддун 1202 номерлүү колл-борборуна же 54 33 16, 57 66 61 номерине кайрылса болорун кошумчалады.
Эскерте кетсек, Кыргызстанда эртеңден тарта пенсия орточо эсеп менен 455 сомго жогорулап, анын орточо өлчөмү 6 миң 248 сомду түзөт.
