10-октябрдан баштап Кыргызстандыктар жогорулатылган пенсия ала баштайт.
Социалдык фонддун Коомчулук жана жалпыга маалымдоо каражаттары менен иш алып баруу башкармалыгынын башчысы Жеңишбек Мукамбетовдун айтымында, 9-сентябрдагы токтомго ылайык, пенсиянын базалык жана камсыздандыруу бөлүктөрү жогорулаган.
“Пенсиянын базалык бөлүгү 1780 сом болсо, 1-октябрдан баштап ал 3170 сомго көтөрүлдү. Мындан сырткары, камсыздандыруу бөлүгү 15 пайызга жогорулады. 2022-жылдын аягына чейин пенсиянын базалык бөлүгүн төлөөгө бюджеттен 3 млрд 83 млн сом бөлүнгөн. Жогорулатылган пенсия 10-октябрдан баштап берилет”, — деген ал.
