7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Август 2025
Пн Вт Ср Чт Пт Сб Вс
 123
45678910
11121314151617
18192021222324
25262728293031
  • social_icon
  • social_icon
  • social_icon
  • social_icon

«10дон ашык өлкө катышат» Ысык-Көлдө биринчи жолу ММА боюнча Азия чемпионаты өтүүдө

741

Кечээ, 26-августта Ысык-Көлдүн жээгинде ММА боюнча Азия чемпиондугунун ачылышы болуп өттү. Бул тууралуу 7-каналдын аймактык кабарчысы билдирди.

Маалыматка ылайык, ММА боюнча Азия чемпионаты өлкөдө биринчи жолу өтүп жатат. Аталган чемпионатка Индонезия, Таиланд, Индия, Ливан, Пакистан, Казакстан, Кыргызстан, Өзбекстан, Палестина ж.б. өлкөлөрдөн спортчулар келишкен.

Программанын салтанаттуу бөлүгүндө Кыргызстандын «ММА жана профессионалдык мушташ федерациясынын» президенти Бабур Тольбаев, ошондой эле Дүйнөлүк ММА-ГАММА Ассоциациясынын президенти — Александр Энгельхард катышты.

Чемпионаттын өкүлдөрүнөн тышкары, ачылышта 2021-жылкы Олимпиаданын күмүш медалынын ээси Акжол Махмудов сөз сүйлөп, бардык катышуучуларга ийгилик каалады. Ошондой эле залга Кыргыз Республикасынын Президентинин спорт боюнча кеңешчиси Руслан Кыдырмышев жана UFC уюмунун Кыргызстандагы мушкери Рафаэль Фийзиев катышты. Чемпионатка башкы калыс катары Германиядан Майкл Вохтер, ошондой эле Чехия, Украина, Бельгия жана Швейцариядан келген калыстар тобунун мүчөлөрү чакырылган. Биринчи салгылашуу кечээ, 26-августта башталды жана 28-августка чейин созулат.

 

 

Добавить комментарий

Ваш адрес email не будет опубликован. Обязательные поля помечены *

742