Өлкө аймагында 11 ай ичинде чет өлкөнүн жарандары тарабынан 243, чет өлкөлүктөргө каршы 191 кылмыш жасалган. Бул тууралуу Ички иштер министрлигинин басма сөз кызматы билдирди.
Маалыматка ылайык, чет өлкөлүктөр тарабынан жасалган 226 кылмыштын бети ачылган. Өткөн жылдын ушул мезгилине салыштырмалуу чет өлкөлүктөр тарабынан 150 кылмыш көп жасалган.
11 айда чет өлкөнүн жарандарына каршы 191 кылмыш катталган. Бул өткөн жылдын ушул мезгилине салыштырмалуу 16 фактыга көп. Анын ичинен 139 кылмыштын бети ачылган. Эң көп жасалган кылмыштар алдамчылык (51 факт), уурулук (21 факт), тоноочулук (13 факт).
Ошондой эле чет өлкөнүн жарандары жасаган кылмыштардын ичинен алдамчылык, бейбаштык, уурулук, каржы пирамидаларын уюштуруу, тоноо, киши өлтүрүүлөр да катталган
