Сокулукта тоноочулукка шектүү эки жаран кармалды. Бул тууралуу Чүй ОИИБнын басма сөз кызматы билдирди.
Маалыматка ылайык, 19-декабрда Сокулук районунун ИИБүнө 1977-жылы туулган Ж.К. арыз менен кайрылып, үстүбүздөгү жылдын 18-декабрында болжол менен саат 22:00 чамаларында Жал айылындагы дүкөндөрдүн биринин жанынан белгисиз бирөөлөр анын денесине залал кетирип, 10 миң сомдон жогору турган телефонун тартып алышып, из жашырып кетишкенин билдирген.
Бул факты Кылмыштардын бирдиктүү реестрине Кылмыш-жаза кодексинин 206-беренеси (Тоноо) боюнча катталып, сотко чейинки өндүрүш иштери башталган.
Ыкчам иликтөөнүн алкагында кылмышка шектелип, 1985-жылы туулган А.Э. жана 1980-жылы туулган Т.А. аттуу жарандар кармалышып, убактылуу кармоочу жайга камакка алынышкан.
Учурда сотко чейинки өндүрүш иштери улантылууда.