Түп районунда ишкерлерлердин үйүнө каракчылык менен кол салган жарандар кармалды. Бул тууралуу ИИМден билдиришти.
Маалыматка ылайык, 2023-жылдын 31-декабрында Түп айылында болжол менен саат 05:00дө жергиликтүү тургундун үйүнө баткапчан белгисиз адамдар кирип келип, 39 жаштагы күйөөсү менен 37 жаштагы жубайынын денесине залал келтирип, акча талап кылышкан. Андан кийин кылмышкерлер күйөөсүн байлап, аялынан сейфтин ачкычын алышып, акча, телефон жана башка баалуу буюдарын ээлеп, белгисиз тарапка качып кетишкен.
Аталган факты боюнча Кылмыш-жаза кодексинин «Каракчылык» беренеси менен кылмыш иши козголгон.
Шектүүлөр Бишкек шаарынын аймагында кармалды. Кармалган жарандардын бири 1988-жылы туулган Б.Р. жасалма документ жасагандыгы үчүн РФнын аймагында издөөдө жүргөнү жана экинчиси 1987-жылы туулган О.Ф. мурда соттолгон деген маалыматтар бар. Экөө тең Түп районунун тургундары.
Алар Түп РИИБге жеткирилип, соттун чечими менен эки айга камакка алынды. Тергөө иштери жүрүп жатат.
