Кечээ, 24-апрелде социалдык тармактарда суу ташыган оор жүк ташуучу унаа скутер айдоочусун сүзүп кеткен видео тараган.
Кырсык боюнча ИИМдин Жол кыймылынын коопсуздугун камсыздоо башкармалыгынан маалымат беришип, мото-скутердин айдоочусу окуя болгон жерде каза болгонун билдирди.
«Кечээ, 23-апрелде болжол менен саат 22:30 чамасында суу ташыган оор жүк ташуучу унаа Садырбаев көчөсү менен түндүк багытка бара жатканда скутердин айдоочусу катуу ылдамдыкта унаанын артына кирип кеткен.
Кесепетинен скутердин айдоочусу окуя болгон жерден көз жумган. Маркумдун аты-жөнү такталууда»,— деп айтылат маалыматта.
