Министрлер кабинетинин төрагалыгына сунушталып жаткан Акылбек Жапаров бүгүн, 13-октябрь Жогорку Кеңештин депутаттарынын суроолоруна жооп берип жатып, салык кызматынын шалаакылыгын ачыктады.
Маалыматка ылайык, КРнын салык кызматынын базасында 7400 салык төлөөчү ишкер бар. Ошол эле учурда Россиянын «2 ГИС» электрондук картасына катталган Кыргызстандагы ишкерликтин саны 53 миң.
Акылбек Жапаров, Экономика министри болуп турган 2,5 айдын ичинде ИИМдин жардамы кайра-каттоо өткөрүп, салык базасындагы ишкерлердин санын 44 миңге көтөргөнүн билдирди.
«2 жарым айдын ичинде 44 миң ишкерди каттадык, анын эсебинен мамлекеттик бюджетке 3 млрд сом кошумча салык түштү. Бул иштер даагы уланат. Ишкерлерге карылып жатабыз, салыкты төлөп иштей берсин, болбосо төлөтүүгө туура келет«-дейт.
