Чоң-Чычкан суусунун боюндагы токойго 20 кыргоол коё берилди. Бул тууралуу Жаратылыш ресурстары, экология жана техникалык көзөмөл министрлигинен билдиришти.
Маалыматка ылайык, Талас облусунун Манас районунан алынып келинген Семиреченский түрүнө кирген кыргоолдор Чоң-Чычкан суусунун боюндагы токойго коё берилген.
«Кыргоолдорду жаратылышка чыгаруу иш чарага аңчылар жана балыкчылар уюмунун жетекчиси В.Мазер, Жаратылыш ресурстар министрлигинин Талас облусу боюнча башкармалыгынын өкүлдөрү А.Кутманов жана Д.Давлетказиев, ошондой эле “Альянс Алтын” ишканасынын кызматкерлери катышты»,- деп берилет билдирүүдө.