Минск шаарындагы өтчү II КМШ оюндарына кыргызстандык 200дөн ашуун спортчу катышат. Бул тууралуу Дене тарбия жана спорт департаментинен билдиришти.
Оюндардын салтанаттуу ачылышы 5-август күнү Минсктин көп тармактуу “Минск-Арена” маданий-спорт комплексинде өтөт.
Иш-чара 14-августка чейин уланып, 24 мамлекеттен 4 миңден ашык спортчу катышат.
Жалпы оюндар спорттун 21 түрүнөн өтүп, 1 миң 672 комплект медаль ойнотулат. КМШ оюндарына Кыргызстандын курама командасы 17 спорттун түрүнөн катышат.
Спорттун төмөнкү түрлөрү боюнча мелдештер өтөт: баскетбол 3*3, бокс, кыз-келиндер күрөшү, эркин күрөшү, гандбол, көркөм гимнастика, грек-рим күрөшү, каратэ-до, жеңил атлетика, мини футбол, сууда сүзүү, самбо, заманбап спорттун беш түрү, жаа атуу, тайбокс, ок атуу, оор атлетика, дзюдо, волейбол, кум үстундөгү волейбол, кум үстүндөгү футбол, чөп үстүндөгү хоккей.
