Жалал-Абад облусунун Майлуу-Суу шаарынын прокуратурасы тарабынан Майлуу-Суу шаарынын жалпы дарыгерлик практикалык борборунда эмгек мыйзамдарынын аткарылышы текшерилди.
Текшерүүнүн жүрүшүндө ЖДПБнын жооптуу адамдары тарабынан бир катар кызматкерлер менен мөөнөттөрү мыйзамда белгиленген нормадан ашкан жумуштарды аткаруу үчүн эмгек келишимдери түзүлгөндүгү аныкталган. Жогорудагы мыйзамсыз түзүлгөн эмгек келишимдердин кесепетинен мамлекетке 249 миң 908 сом зыян келтирилген.
Жыйынтыгында 27-февралда Майлуу-Суу шаарынын прокуратурасы тарабынан Майлуу-Суу шаарынын жалпы дарыгерлик практикалык борборуна прокурордук чара көрүү актысы келтирилип, аны кароонун натыйжасында мамлекетке келтирилген зыяндын орду толугу менен өндүрүлүп, жогорудагы мыйзам бузууларга жол берген кызматкерлер тартиптик жоопкерчиликке тартылышкандыгы тууралуу Э.Асакеев билдирди.
