Чүй облусу боюнча ЖКККБ Мраморное айылындагы жол кырсыктын чоо-жайын айтып беришти.
Маалыматка караганда,“Тойота Калдина” үлгүсүндөгү унаанын 20 жаштагы айдоочусу мас абалында болгон. Ал рулга ээ боло албай калып жолдун жегиндеги бетонду сүзгөн.
Жол кырсыктын кесепетинен 2009-жылы туулган Б.А.З, 2007-жылы туулган Н.уулу Н., 2006-жылы туулган С.З.Б аттуу жүргүнчүлөр каза болгон.
Ошондой эле 2006-жылы туулган эки бала Сокулук районунун аймактык ооруканасына жеткирилген. Ал эми унаанын айдоочусу эч кандай жаракат алган эмес.
Учурда териштирүү жүрүүдө.
