Грецияда эки поездин кагышуусу видеокамерага түшүп калган. Алар саатына 165 чакырым ылдамдыкта келе жатышкан.
Маалыматтарга караганда, кеминде 36 адам каза болгон, 80ден ашуун жаран жабыркаган. 28-февралда Салониковдон келе жаткан жүргүнчү поезд жүк ташыган поезд менен кагышып, өрттөнө баштаган.
Кырсыктын келип чыгышына темир жолдогу эскертүү системасынын бузулушу себеп болгондугу айтылууда. Айдоочулар бир жол менен бири-бирин көздөй айдап баратканын билишкен эмес.
Грециянын премьер-министри Кириакос Мицотакис өлкөдө каза болгондор үчүн үч күндүк аза күтүү жарыялаган.
