УКМК социалдык тармакта жарыяланган Бишкек шаарынын мэриясы тарабынан 4,15 гектар жер кийин УКМКнын пенсионерлерине жана кызматкерлерине берүү үчүн бөлүп берет деген маалымат боюнча жооп берди.
Маалыматка ылайык, аталган жер мурда кыргыз республикасынын өкмөтүнүн 2012-жылдын 26-апрелиндеги №313 токтому менен Улуттук коопсуздук мамлекеттик комитетине мөөнөтсүз пайдаланууга берилген, ошондой эле, СССР мезгилинен бери ал жерлер Кыргыз ССРнын Мамлекеттик коопсуздук комитетине (КГБ) таандык болгон, андан кийин жеке турак жай курууга муктаж пенсионерлер менен аскер кызматчыларына бөлүштүрүлгөн.
Азыркы учурда “Жер участокторун которуу (трансформациялоо) жөнүндө” Кыргыз Республикасынын мыйзамына өзгөртүүлөрдү киргизүү тууралуу” мыйзамына ылайык, бул жерлер тийиштүү ченемдерге ылайыкташтырылууда.
