Казакстанда 5 жашар кызды зордуктап, андан соң бычактап өлтүргөн шектүү өмүр бою эркинен ажыратылды. Мындай чечим Түркстан облусунун райондор аралык сотунун чечими менен кабыл алынды.
Маалыматка ылайык, окуя 13-июль күнү болгон, анда кызды бүткүл айыл жоголуп кетти деп издешкен. Андан соң, Жибек-Жолу айылында 5 жашар кызды 48 жаштагы кошунасы сарайында зордуктап мыкаачылык менен өлтүрүлгөндүгү аныкталган. Кыздын жансыз денеси сарайда табылган.
“Шектүүгө өмүр бою эркинен ажыратуу жана химиялык кастрация жазасын дайындайм. Соттолуучу жазасын күчөтүлгөн тартипте абакта өтөйт”, — деп билдирди Түркстан облусунун судьясы Даурен Мадалиев.
Ошондой эле, шектүү каза болгон кыздын үй-бүлөсүнө 100 миллион теңге өлчөмүндө моралдык чыгым төлөп бериши керек.
