Жогорку Кеңештин бүгүнкү жыйынында өкмөткө Бишкек, Ош шаарларында ижарага берилген батирлердин баасын көзөмөлгө алуу сунушталды.
Депутат Бакытбек Марипов учурда бир бөлмөлүү батирлердин ижара акысы 30-40 миң сом, эки бөлмөлүүлөрдүкү 50-60 миң сомго чыгып жатканын айтты. Ал студенттер менен жаш үй-бүлөлөр бааны көзөмөлгө алууну суранып жатканын кошумчалады.
«Ижарага бергендердин дагы бир шарты бар экен, «жаш балалууларга бербейбиз», «бир бөлмөлүү батирди экиден ашык адамга бербейбиз», «алдын ала акча бересиңер» деген. Бишкекте бир бөлмөлүү батирге 30 миң сом төлөп жашаш эмне деген нерсе?! Ушул нерсени көзөмөлдөш керек»,- деди депутат.
Посмотреть эту публикацию в Instagram
