Ноокен районунун Э. Алиев айыл аймагынын Аримжан участогунда «Мантай Групп» ЖЧКсы тарабынан курулган сендвич-панелдерди өндүрүүчү жаңы ишкана пайдаланууга берилди.
Ишкананын ачылыш аземи Кыргыз Республикасынын Эгемендүүлүгүнүн 35 жылдыгына карата Кыргыз Республикасынын Президенти Садыр Жапаровдун онлайн катышуусунда салтанаттуу түрдө өткөрүлдү.
Долбоордун жалпы наркы 700 миң АКШ долларын түзүп, ишкана толук кандуу ишке киргенден кийин 36 жаңы жумуш орду түзүлөт. Өндүрүштүн кубаттуулугу суткасына 800 куб метр сендвич-панелди түзөт.
