Кара-Көл шаардык ички иштер башкармалыгынын жаңы имаратына капсула салынды. Бул тууралуу Жалал-Абад облустук милициясынан билдирди.
Иш-чарага Кара-Көл шаарыны мэри Таалайбек Конкобаев, Кара-Көл шаардык кеңешинин төрагасы Чыңгыз Кимсанов, Кара-Көл ШИИБдин башчысы Эрнист Молдокеев катышты.
2 кабаттан турган жаңы имарат ИИМ тарабынан каржыланып, жалпы аянты 650 чарчы метрди түзөт.
Буга чейин ички иштер министри Улан Ниязбеков Кара-Көл ШИИБге келген учурда жаңы имарат салууга колдоо көрсөтүлөөрүн билдирип, жер аянтын көрүп кеткен.
Милиция бөлүмүнүн эски имараты 1974-жылы курулган.
