Өлкөдө алдыңкы беш жылда 500 жаңы бала бакча курулат. Бул тууралуу Билим берүү жана илим министрлигинин өкүлдөрүнүн Жалал-Абаддын Сузак районуна болгон сапарында белгилүү болду.
Маалыматка ылайык, Сузакта жергиликтүү директорлорго жана билим берүү тармагынын адистерине тренинг өткөрүлгөн. Билим берүү жана илим министрлигинин долбоорунун алкагында алдыңкы беш жыл ичинде өлкө аймагы боюнча 500 жаңы бала бакча курулары белгилеп кетишти.
Учурда бала бакчалар Ош жана Баткен облустарында курулууда. Кийинки жылы иштер Жалал-Абадда жүргүзүлөт.
