Сокулук районунун Жаңы-Пахта айыл аймагынын турак жай-коммуналдык чарба бөлүмүнүн адиси жана аталган айылдын тургуну кармалды. Бул тууралуу УКМКдан билдиришти.
УКМК тарабынан кылмыш иши козголуп, анын алкагында аталган адамдар жасалма документтерди жасап, жалпы аянты 13 гектардан ашык айыл чарба багытындагы жер тилкелерин мыйзамсыз каттап алышкан. Муну менен алар мамлекетке 7 млн сом зыян келтирген.
15-июнда Жаңы-Пахта айыл аймагынын адиси жана аталган айылдын тургуну УКМКнын тергөө абагынын убактылуу кармоочу жайына киргизилди.
Учурда башка тиешеси бар адамдарды аныктоо боюнча тергөө иш-чаралары жүргүзүлүүдө.
