Чек арачылар мыйзамсыз түрдө Өзбекстанга мал жана башка контрабандалык жүктөрдү алып өтүүгө аракет кылган кыргызстандыктарды кармашты. Бул тууралуу УКМКнын Чек ара кызматы билдирди.
Анын айтымында, жүктүн жалпы баасы 800 миң сомду түзөт. Аксы районунун Мамай аймагында чек арачылар жана УКМКнын кызматкерлери чек ара бекетинен тышкары Өзбекстанга эл керектөөчү товарларын мыйзамсыз алып өтүүгө аракет кылган кыргыз жараны башкарып бара жаткан Мерседес-Бенц Спринтер унаасын кармашкан.
Ошондой эле Торук Ала-Бука районунда Daewoo-Nubira автоунаасы кармалган, айдоочусу Өзбекстанга дары-дармектерди ташууга аракет кылган. Дагы бир кыргыз жараны Монул аймагында төрт баш бодо малды айдап кетүү аракетин көрүшкөн.
Кармалгандар, аткезчилик жүк жана бодо малдар кийинки иликтөө иштери үчүн укук коргоо органдарынын кызматкерлерине өткөрүлүп берилди.
