Бүгүн, 1-октябрда, Бишкектеги №49 орто мектебинин 3 «К» классынын окуучусу 9 жаштагы Нурмухамед Жумабеков Ардак грамотасы менен сыйланды. Бул тууралуу ӨКМнын басма сөз кызматы билдирди.
Маалыматка ылайык, окуучу күйүп жаткан үйдөн 7, 5 жана 3 жаштагы инилерин алып чыгып, өмүрүн сактап калган.
Эске сала кетсек, ушул жылдын 24-сентябрында саат 13:44төр чамасында Бишкектин Биринчи май районунун Месароша көчөсүндө жайгашкан турак үйдөн өрт чыгып, өрттүн кесепетинен 90 чарчы метр жери күйүп кеткен.