Өзбекстандын президенти Шавкат Мирзиёев КМШнын Ардак белгиси менен сыйланды. Сыйлык Өзбекстан лидеринин КМШнын өнүгүшүнө, кызматташтыгына жана достукту бекемдөөгө кошкон салымы үчүн берилди.
Андан соң, Шавкат Мирзиёев КМШнын Ардак белгиси сыйлыгын берүүнү демилгелеген Садыр Жапаровго ыраазчылыгын билдирди.
«Соңку жылдары биз Кыргызстан менен өтө көп нерселерге жетиштик. Эгер тарыхты карасак, 30 жылда мындай орчундуу маселелерди эч ким мойнуна алган эмес. Садыр Нургожоевичтин жана Өзбекстандын президентинин эрки менен көп маселелерди чечтик”, — деди Мирзиёев.
