Ди-джейди өлтүргөн шектүү кармалды. Тергөөнүн версиясы боюнча, шектүү аялын ди-джейден кызганып, аны жигити деп ойлогон. Бул тууралуу коопсуздук күчтөрүнүн кызматкерлери билдиришти.
Маалыматка ылайык, кечээ, 1-мартта DJ Casper каймана аты менен белгилүү болгон ди-джей Дмитрий Саразовду өлтүрүүгө шектүү жаран кармалган. Ал 1984-жылы туулган Бишкек шаарынын Л.В., аттуу тургуну экени аныкталган.
Алдын ала маалыматтар боюнча, Л.В., аялын ди-джей Касперден кызганып, анын изине түшүп, атып өлтүргөн. Ал аялын музыкант менен ойноштук кылып жүрөт деп ойлогон.
Эскерте кетсек, 25-февралда Восток-5 кичи районунун үйлөрүнүн биринин кире беришинде, Промзона аймагында жайгашкан «Бензин 312» клубунун ди-джейи атып өлтүрүлгөн. Маркумдун жүрөк туш жагына эки жолу атылган.
