Бишкекте кээ бир автобустардын кыймыл схемалары өзгөртүлдү. Бул тууралуу муниципалитеттен кабарлашты.
Борбор калаада Айтматов проспектисинин бир бөлүгү реконструкцияга жабылганына байланыштуу №55, №56 жана №8 автобустун кыймыл схемалары өзгөртүлөт.
Маалыматта белгиленгендей №55 автобусунун кыймыл багыты төмөнкүчө жүрөт:
Д. Садырбаев – А. Масалиев көчөсү – Тыналиев – И. Ахунбаев көчөсү;
№8 автобустун кыймыл багыты:
И. Ахунбаев – Тыналиев көчөсү – А. Масалиев – Д. Садырбаев көчөсү;
Ал эми №56 автобусу А. Масалиев жана Д. Садырбаев көчөлөрү аркылуу жүрөт.
Мэрия шаар тургундарын жана айдоочуларды келтирилген убактылуу ыңгайсыздыктарга түшүнүү менен мамиле кылууну өтүнөт. Реконструкция канчага созулары азырынча белгисиз.
