Бүгүн Ош шаарынын борбордук аянтында Ош шаарынын коммуналдык кызматтарына 8 жаңы атайын техника (2 “Shacman” маркасындагы жүк ташуучу унаа, 2 экскаватор, 2 автожүктөгүч, 2 манипулятор) жана Ош шаардык ички иштер башкармалыгынын кайгуул кызматына 4 жаңы жеңил унаа тапшырылды.
Техникаларды Ош шаарынын мэри Жеңишбек Токторбаев тапшырып, демөөрчүлөр тарабынан алынып берилген заманбап техникалар менен жеңил унаалар үчүн ыраазычылыгын билдирди.
Белгилей кетсек, 4 жеңил унаа «Газпром Кыргызстан» ЖЧКсынын башкы директору Болот Абилдаевдин атынан «Ош Газ» ишканасынын жетекчиси Рашид Тагаев, 8 даана атайын техника «Дөөлөт курулуш» ЖЧКсынын «Базис-М» соода маркасынын башкы директору Максат Чунуев тарабынан берилди.
Аталган техникалар жеринде Ош шаарынын коммуналдык кызматтарына бөлүштүрүлдү.
