19-25-май күндөрү Германиянын Зуль шаарында жаштар арасындагы ок атуу боюнча дүйнө кубогу өтүп жатат.
Кыргызстандын ок атуу спорт федерациясынын спортчусу, улуттук курама команданын мүчөсү Имандос Бектенов эл аралык аренада мыкты жыйынтык көрсөттү.
Бул көнүгүүгө дүйнөнүн ар кайсы мамлекеттеринен келген 94 спортчу катышты. Квалификациялык турда Бектенов 579 упай топтоп, экинчи орунду ээлеп финалга чыкты.
Финалдык бөлүктө Имандос жогорку чеберчилик көрсөтүп, 240.2 упай менен күмүш медаль утуп алды.
