УКМК тарабынан кыргыз жаранынын катышуусундагы видеоматериал аныкталып, анда анын аракеттеринде аймактар аралык кастыкты козутуу белгиси бар экендиги такталган.
Тиешелүү издөө иш-чаралары жүргүзүлүп, Т.Ж. аттуу жаран УКМКга жеткирилип, суракка алынган. Кармалган жаран Бишкек ШИИБдин убактылуу кармоочу жайына киргизилип, тиешелүү экспертизалар дайындалды.
Улуттук коопсуздук мамлекеттик комитети расалык, этностук, улуттук, диний аймактар аралык кастыкты козутууга чакырыктарга жол берилбестигин эскертет. Эгерде мындай фактылар аныкталса, аларга мыйзамга ылайык катуу бөгөт коюлат.
