Өзгөчө ири өлчөмдөгү коррупция фактысы боюнча УКМКнын кызматкери кармалды.
Маалыматка караганда, компаниялардын биринин ээси мамлекетке келтирилген зыяндын суммасын азайтуу максатында подполковникке 200 миң доллар берген.
Бирок УКМК кызматкери убадасын аткарбай, акчаны да кайтарып берген эмес. 12-июнда ага карата «Өзгөчө ири өлчөмдөгү алдамчылык» беренеси боюнча иш козголгон.
Бардык жагдайлар такталган соң, подполковник С.М. дискредитацияга байланыштуу улуттук коопсуздук органынан бошотулду.
Аталган кызматкер Бишкек ШИИБдин убактылуу кармоочу жайына киргизилди, учурда тергөө жүрүүдө.
