Ысык-Көлдүн Чолпон-Ата шаарында Чыныбай Турсунбековдун V мааракелик поэзия фестивалынын салтанаттуу ачылыш аземи болуп өттү.
Маданий саамалыкка Жазуучулар союзунун төрагасы Каныбек Иманалиев, маданият, маалымат жана жаштар саясаты министринин орун басары Марат Тагаев, мамлекеттик катчы Марат Иманкулов, ошондой белгилүү акын, жазуучулар, коңшу Казакстан, Өзбекстандан келген акын, жазуучу жана өнөр инсандары катышууда.
Иш чараны Чыныбай Турсунбеков атындагы фонд уюштуруп, 2020-жылы түзүлгөндөн бери кыргыз адабиятын өнүктүрүүгө, жаш калемгерлерди колдоого, улуттук поэзиянын нукура баалуулуктарын сактоого жана даңазалоого багытталган ишмердүүлүктү активдүү жүргүзүп келет.
Фестивалдын жүрүшүндө акындар поэзия кечесин уюштуруп, чыгармачылык кечелер, китеп көргөзмөлөрү жана адабий окуулар менен коштолот.
