15-23-июль күндөрү Бишкек шаарында футбол боюнча олипиадалык курамалар арасында (U-23) эл аралык футбол мелдеши өтөт. Бул тууралуу Кыргыз футбол биримдигинен билдирди.
Турнирге Кыргызстандан тышкары Оман, Бахрейн жана Сирия мамлекеттеринин курамалары катышат. Беттештер Дөлөн Өмүрзаков атындагы борбордук стадиондо жана «Достук Арена» (Беш-Күңгөй) футбол клубунун стадионунда өтөт.
Мелдештер атайын оюн-зоок жана концерттик программалары менен коштолот:
- баалуу байгелер — башкы байге: чет өлкөгө эс алуу жолдомосу
- акысыз балмуздак
- аквагрим жана оюн-зоок зоналары
- даамдуу тамактар менен фудкорт
Ал эми концерттик бөлүгүнө Султан Садыралиев, Нурайым Акылбекова жана башка коноктор катышат.
Мелдештин жүгүртмөсү:
- 17-июль – 20:00 Оман – Бахрейн (ФК «Достук Арена»);
20:00 Кыргызстан – Сирия (Д. Өмүрзаков стадиону); - 20-июль – 20:00 Сирия – Бахрейн (ФК «Достук Арена»);
20:00 Кыргызстан – Оман (Д. Өмүрзаков стадиону); - 23-июль – 20:00 Оман – Сирия (ФК «Достук Арена»);
20:00 Кыргызстан – Бахрейн (Д. Өмүрзаков стадиону);
Кирүү акысыз.
Белгилей кетсек, мелдеш 1-9-сентябрь күндөрү Бишкекте өтө турчу Азия кубогунун тандоо туруна даярдык көрүү максатында өткөрүлүүдө. Анда Кыргызстандын U-23 курама командасы E тайпасына Өзбекстан, Палестина жана Шри-Ланка курамалары менен күч сынашат.
