Шайлоо алдындагы үгүт иштери жана добуш берүү процесси башталгандан бери мыйзам бузуулар жөнүндө Ички иштер министрлигине 255 кайрылуу келип түштү.
Бул тууралуу 11-апрелде брифингде ИИМдин тергөө башкармалыгынын бөлүм башчысы Султан Макилов кабарлады.
Анын ичинен 44 факты кылмыш, 35 учур жорук, 23 маалымат бузуулар боюнча катталды. Калганы электрондук журналга катталып, аныктыгы тастыкталууда.
Аймактар боюнча алганда,
- Бишкек боюнча 56;
- Ош шаары боюнча 74;
- Чүй облусу боюнча 67;
- Ысык-Көлдөн 5;
- Нарын облусу боюнча 6;
- Ош облусу боюнча 24,
- Жалал-Абад боюнча 15,
- Талас облусу боюнча 4,
- Баткен облусунан 4 кайрылуу түштү.
