Бишкектеги Ататүрк паркындагы турак жайлар бузулбайт, үй ээлери паркты өнүктүрүүгө акча бермей болушту.
Тийиштүү чечим кабыл алынганын калаа мэри Айбек Жунушалиев билдирди. Анын айтымында, үй ээлеринен жалпы 500 млн сом чогултулат, азыр анын 97 млн сому түшкөн.
“Парктын аянтын 107 гектар деп аныктадык. Конституциялык сот мэриянын чечимин мыйзамдуу деп тапты. Бирок аларга мурун менчик укугу берилип калган, азыр сот иштери уланууда. Эгерде 500 млн сом топтолсо Ататүрк, андан башка да парктарды өнүктүрүүгө жумшалат. Мындан тышкары, мурун курулушка берилип бирок иштер башталбай турган 5,12 гектар жер кайра парктын карамагына кайтарылды”, — деди Жунушалиев.
