Ош облусунун Өзгөн райондук соттук-медициналык экспертиза бөлүмүнүн башчысы кол алдындагы кызматкерине сексуалдык ыдык көрсөткөн деген шек менен кармалды.
Буга чейин КР УКМКга «Ж.С.Ж.» аттуу жаран Ош облусунун Өзгөн райондук соттук-медициналык экспертиза бөлүмүнүн башчысына чара көрүү суранычы менен арыз жазып кайрылган.
Арызда берилген маалыматка ылайык, шектүү өзүнүн кызмат абалынан пайдаланып кол астында иштеген кызматкерге WhatsApp аркылуу ар түрдүү адепсиз билдирүүлөрдү, сүрөттөрдү жөнөтүп, ошондой эле күч колдонуу жолу менен сексуалдык мүнөздөгү аракеттерди жасоого, интимдик жакындыкта болууга мажбурлаган.
Аталган факт боюнча кылмыш иши козголуп, кармалган жаран УКМКнын тергөө абагына киргизилди.
