Жалал-Абад облусунун Чаткал районунда социалдык объектилерди куруу жана оңдоо боюнча долбоорлорду ишке ашырууда кызмат абалынан кыянаттык менен пайдалануу фактылары аныкталды. Бул тууралуу Башкы прокуратура билдирди.
Каныш-Кыя жана Терек-Сай айыл аймактарында жумуштар начар аткарылып же такыр аткарылбай калганына карабастан мини-футбол аянтчасын курууда аткарылбаган иштер үчүн кошумча 1,67 млн сом төлөнүп, бюджеттик каражаттар подрядчиктерге которулган.
Мындан тышкары «С.А.» ЖЧКсы тарабынан жер тилкеге лагерди орнотууда 10,4 гектар аянттагы жердин түшүмдүү катмары бузулуп, экологияга келтирилген зыян 2,4 миллион сомду түзгөн.
Аталган фактылар боюнча Чаткал районунун прокуратурасы тарабынан кылмыш иши козголуп, тергөө иштери уланууда.
