Президент Садыр Жапаров Кытай Эл Республикасына болгон иш сапарынын алкагында Тяньцзинь шаарында өткөн Шанхай кызматташтык уюмуна мүчө мамлекеттердин башчыларынын кеңешинин 25-жыйынында сөз сүйлөдү.
Өз сөзүндө мамлекет башчысы ШКУга мүчө өлкөлөрдүн маданий жана спорттук делегацияларын Кыргызстан 2026-жылдын күзүндө өткөрүүнү пландап жаткан Дүйнөлүк Көчмөндөр Оюндарына катышууга чакырды.
Дүйнөлүк Көчмөндөр Оюндары өлкөбүздүн визиттик карточкасына айланып, 2026-жылы Кыргызстан бул уникалдуу маданий-спорттук иш-чарада дүйнөнүн булуң-бурчунан келген конокторду кайрадан кабыл алууга даяр.
