Өздөрүн Улуттук банктын жана УКМКнын кызматкерлери катары тааныштырып, жарандын 600 миң сом акчасын мыйзамсыз ээлеп алышкандар кармалды.
Кылмышка шектүү катары 2002-жылкы жаран кармалган. Жанынан КРнын уюлдук байланыш операторлоруна таандык 700 активдештирилген SIM-карта табылган. Ал кылмыштуу схемада «активатор» ролун аткарган. Анын милдетине SIM-карталарды өзүнүн атына же башка адамдардын атына каттоо, активдештирүү жана номерлерди WhatsApp мессенжерине байлоо менен кийинчерээк үчүнчү жактарга сатуу кирген.
ИИМ Шектүүгө карата камакка алуу баш коргоо чарасы талдалып алынганын кабарлады. Тергөө уланууда.
