Экстремисттик идеологияны жайылткан жана жаңы тарапташтарды тартуу менен алектенген “Хизбут-Тахрир” уюмдун ячейкаларынын биринин лидери болгон 1986-жылы туулган КРнын жараны М.К.Н. кармалды. Бул тууралуу УКМКнын басма сөз кызматы билдирди.
Маалыматка ылайык, аталган М.К.Н. экстремисттик ишмердиги үчүн мурда кылмыш жоопкерчилигине тартылганы аныкталган.
Анын жашаган жерин тинтүү учурунда экстремисттик мүнөздөгү диний адабияттар алынып, тиешелүү экспертиза жүргүзүлүп жатат.
Кармалган М.К.Н. КР УКМКнын тергөө абагына киргизилип, ячейканын башка мүчөлөрүн аныктоо боюнча ыкчам-тергөө иш-чаралары жүргүзүлүүдө.
