Ички иштер министрлиги мурда Дөө Чынгыздын уюшкан кылмыштуу тобуна кирген жаран жанында белгисиз үлгүдөгү ок атуучу курал алып жүргөндүгү тууралуу ыкчам маалымат алган.
Аталган факты боюнча ИИМдин Тергөө кызматы тарабынан Кыргыз Республикасынын Кылмыш-жаза кодексинин 267-беренесинде (курал-жарактарды, ок-дарыларды мыйзамсыз жүгүртүү) каралган кылмыштын белгилери боюнча кылмыш иши козголгон.
ИИМдин КИББдин кызматкерлери тарабынан жүргүзүлгөн ыкчам-издөө иш-чараларынын натыйжасында, Бишкек шаарынын аймагында жаран 1989-жылы туулган Т.Б. кармалган.
Өздүк кароо учурунда шектүүдөн номуру өчүрүлгөн “Макаров” үлгүсүндөгү тапанча жети огу менен табылып алынган.
Учурда кармалган жаранга карата бөгөт коюу чарасы катары камакка алуу түрү тандалды. Тергөө иштери жүрүп жатат.
ИИМдин Басма сөз кызматы
