Эл аралык NetBlocks интернет көзөмөлдөө кызматы билдиргендей, Ооганстан боюнча интернет кызматы толугу менен өчүрүлдү.
“Ооганстанда учурда интернет толугу менен өчүрүлүп жатат. Бир нече тармактар эртең менен этап менен жабылды”, — деп айтылат уюмдун билдирүүсүндө.
Эскерте кетсек, сентябрдын башында Ооганстандын жогорку лидери Хайбатулла Ахунзада өлкө боюнча интернетти өчүрүүгө буйрук берген. Бүткүл өлкө боюнча була-оптикалык интернетке жана Wi-Fiга тыюу салуу чечими соңку жана кайтарымсыз чечим болуп саналат.
Эскерте кетсек, Хайбатулла Ахунзада мамлекеттик органдар менен дипломатиялык өкүлчүлүктөрдү гана интернетке кирүү үчүн жаңы компания түзүүгө буйрук берген.
