Казакстандын “Кайрат” футбол клубу Чемпиондор лигасынын алкагындагы оюнда өз талаасында Испаниянын “Реал Мадрид” командасына 0:5 эсебинде жеңилип калды. Бул тууралуу Казинформ агенттиги билдирди.
Оюнда Килиан Мбаппе үч голдун автору болду. Төртүнчү голду Эдуард Камавинга киргизсе, бешинчи топту жаракатка байланыштуу кошулган убакта Брахим Диас киргизди. “Кайраттын” дарбазасын 18 жаштагы Шерхан Калмурза коргоп, көптөгөн соккуларды тосуп калганына карабастан, команда ири эсеп менен жеңилди.
Эске салсак, Чемпиондор лигасынын 1-турунда “Реал” “Марселди” 2:1 эсебинде жеңсе, “Кайрат” “Спортингге” 1:4 эсебинде утулган.
Быйылкы Чемпиондор Лигасынын финалы 2026-жылдын 30-майында Будапешттеги «Пушкаш Аренада» өтөт.
