Ош облусунун Ноокат районунда уруксаатсыз иштеп жаткан таш майдалоочу ишкана убактылуу токтотулду. Бул тууралуу Курулуш, архитектура жана турак жай-коммуналдык чарба министрлигине караштуу Ош облустук архитектура башкармалыгынан билдиришти.
Ведомстводон билдиришкендей, Бел айылында жергиликтүү тургун тиешелүү уруксат кагаздарын албай туруп, атайын техниканы колдонуп, иштеп жаткан. Андан сырткары, иш жүргүзүлүп жаткан жерди мыйзамсыз ээлеп алышкан.
Башкармалыктын кызматкерлери иш-аракетти токтотуу жөнүндө буйрук чыгарып, техниканы кайтарып алышты.
Министрлик курулуш тармагындагы мыйзам бузууларды аныктоо боюнча текшерүү иштери улантылып, тартип бузгандар мыйзам чегинде жоопкерчиликке тартылаарын баса белгиледи.
