Талас шаарында мамлекеттик жогорку окуу жай үчүн жаңы заманбап имарат салынып жатат. Бул тууралуу шаардык мэриядан билдиришти.
Маалыматка ылайык, шаарда билим берүү инфраструктурасын өнүктүрүү боюнча ири долбоор башталды. Мамлекеттик жогорку окуу жай үчүн 300 миллион сомдук жаңы беш кабаттуу имарат курулууда.
Окуу корпусу №1 орто мектептин маңдайында, Нуржанов аллеясында салынып жатат жана 2026-жылдын июль айында пайдаланууга берилет.
Долбоор президент Садыр Жапаровдун тапшырмасы менен Талас шаарынын өнүгүү стратегиясынын алкагында ишке ашырылууда.
