Баткен районунун Суу-Башы айыл өкмөтүнө караштуу Чет-Булак аймагындагы жаңы курулган Жаңы Достук айылына тургундар көчүп келе баштады. Бул тууралуу Баткен райондук мамлекеттик администрациясынын басма сөз кызматы билдирди.
Ведомстводон билдиришкендей, жаңы конуштагы үйлөрдө жашоо үчүн бардык шарттар түзүлгөн. Тургундар акырындан аларга берилген турак жайларга көчүп киришүүдө.
Көчүрүү процессин жеңилдетүү үчүн атайын техникалар тартылып, жеринде Баткен районунун акими жарандар менен жолугушуп, көтөрүлгөн маселелерди чечүүдө.
